ऊर्जा खबर
काठमाडौं । ‘हेम बहादुर मल्ल’ सम्मान पुरस्कार सुर्यनाथ उपाध्यायलाई प्रदान गरिने भएको छ । नेपाल जन प्रशासन संघ र साल्ड ट्रेडिङ कर्पोरेसन लिमिटेडले प्रदान गर्ने सम्मान पुरस्कार उपाध्यायलाई प्रदान गर्न लागिएको हो ।
संघले ख्याती प्राप्त प्रशासक एवं व्यवस्थापक स्व. हेम बहादुर मल्लले साल्ट ट्रेडिङको नेतृत्वमा रही उत्कृष्ट योगदान पुर्याएवापत निजको सम्झनामा स्थापना भएको पुरस्कार उपाध्यायलाई प्रदान गर्न लागिएको छ ।
उपाध्ययले राज्यको उच्च ओहदामा रहि सार्वजनिक सेवा प्रवाह र व्यवस्थापनका क्षेत्रमा राष्ट्रको छवि उच्च राख्न सफल भएको, नेतृत्व क्षमता प्रदर्शन गरेको, सार्वजनिक क्षेत्रमा महत्वपूर्ण योगदान पुर्याएको र अन्तराष्ट्रिय क्षेत्रमा नेपाली पहिचानलगायत उल्लेखनिय योगदान पुर्याएकावाफत सम्मान गर्ने निर्णय भएको संघका अध्यक्ष कृष्णहरी बास्कोटाले बताए । उनका अनुसार कदरपत्रसहित २ लाख रुपैयाँ नगद प्रदान गरिनेछ ।
यो सम्मान आगामी ११ गते (आइतबार) राष्ट्रपतिद्धारा प्रदान गरिनेछ । यसअघि केदारभक्त माथेमा, चादनी जोशी, डा. भगवान कोईराला, डा.बिमल कोइराला, महाविर पुन, भोजराज पोखरेल, सन्दुक रुइत, कुलमान घिसिङ, दमननाथ ढुंगाना, डा.सुरेशराज शर्मा, खिलराज रेग्मी, उमेश मैनाली, दामोदर गौतम, डा.देवेन्द्रराज पाण्डे, र डा.गौरीशंकर लाल दास सम्मानित भइसकेका छन् ।
