ऊर्जा खबर
काठमाडौं । नबिल बैंकले नेपाल स्टक एक्सचेन्ज (नेप्से) सँग ८ प्रतिशत नबिल डिबेन्चर २०८५’ को सूचीकरण गर्न सम्झौता भएको छ । बैंक र नेप्सेबीच बुधबार २२ लाख ७ हजार १ सय ८ कित्ता ऋणपत्र सूचीकरण गर्ने सम्झौता भएको हो ।
सम्झौतामा बैंकको तर्फबाट प्रमुख कार्यकारी अधिकृत अनिलकेशरी शाह र नेप्सेको तर्पmबाट निमित्त प्रमुख कार्यकारी अधिकृत निरञ्जन फुयालले हस्ताक्षर गरेका छन् । बैंकले बिक्री प्रबन्धक हिमालयन क्यापिटल लिमिटेडमार्फत गत साउन १० देखि ३१ गतेसम्म ऋणपत्र निष्कासन गरी बाँडफाँड गरेको थियो ।
सम्झौता भएसँगै बिहीबारदेखि दोस्रो बजारमा डिबेन्चरको कारोबार सुरु हुने बैंकले जनाएको छ । बैंकका अनुसार डिबेन्चरवालाले ७ वर्ष अवधिको यो डिबेन्चरको भुक्तानी २०८५ साल साउन ३० मा पाउने छन् । बैंकले यो डिबेन्चर कारोबार सम्बन्धी अभिलेख राख्ने, दाखिल खारेज, नामसारी, रोक्का राख्ने, डिबेन्चरवालाहरुको लगत अद्यावधिक गर्नेलगायतका रजिष्ट्रार सम्बन्धी सम्पूर्ण कार्य गर्न नबिल इन्भेष्टमेण्ट बैंकिङ्ग लिमिटेडसँग डिबेन्चर रजिष्ट्रार सम्झौता समेत गरेको छ ।
३७ वर्षअघि स्थापित बैंकले हाल १३५ शाखा, १८८ एटिएम र १,५०० भन्दा बढि नबिल रेमिट एजेन्टहरु मार्फत आफ्ना ग्राहकहरुलाई समायनुकुल सेवा प्रदान गर्दै आएको छ । बैंकले नेपाली बैंकिङ्ग क्षेत्रमा नविनतम् सेवाको शुरुवात गर्न अग्रणी भूमिका खेल्नुका साथै नेपालको बैंकिङ्ग विकासको इतिहासमा कोसेढुङ्गाको रुपमा काम गर्दै आएको छ । बैंक सधैं ग्राहकवर्गको उच्च सन्तुष्टी एवं आधुनिक बैंकिङ्ग युगको शुरुवात गर्ने तर्फ केन्द्रित रहेको छ ।
.jpg)