ऊर्जा खबर
काठमाडौं । ४.४ मेगावाटको राधी स्मल जलविद्युत आयोजना निर्माण गरी सञ्चालनमा ल्याएको राधी विद्युत कम्पनी लिमिटेडले आगामी असोज ५ गतेदेखि हकप्रद सेयर निष्कासन गर्ने भएको छ । कम्पनीले संस्थापक तथा आफ्ना सेयरधनी सदस्यलाई हकप्रद सेयर निष्कासन गर्न लागेको हो ।
सय रुपैयाँ अंकित ९५ लाख ३५ हजार ७ सय ६० कित्ता सेयर निष्कासन गर्न लागेको कम्पनीले जनाएको छ । कम्पनीका अनुसार हाल कायम पुँजीको १ बराबर १.४७ को अनुपातमा हकप्रद सेयर निष्कासन गर्न लागिएको हो ।
आवेदकले असोज २५ गतेसम्म आवेदन दिन पाउनेछन् । कम्पनीको सेयर निष्कासन गरी बाँडफाँड गर्न मुक्तिनाथ क्यापिटल लिमिटेडलाई बिक्री प्रबन्धक तोकिएको छ ।
कम्पनीको लमजुङमा ४.४ मेगावाटको राधी स्मल जलविद्युत आयोजना सञ्चालनमा छ । यो आयोजनाले २०७१ जेठ ३१ गतेदेखि निरन्तर विद्युत उत्पादन गरिरहेको छ ।
कम्पनीको विगत वर्षहरुदेखि नै सेयरधनीहरुलाई बोनस, सेयर, नगत लाभांश लगायत प्रतिफल दिँदै आएको छ । अहिले दोस्रो बजामा कम्पनीको सेयर किनबेचलाई आकर्षकणको रुपमा हेर्ने गरिएको छ ।
