ऊर्जा खबर
काठमाडौं । नेपाल आयल निगमले पेट्रोल, डिजल र मट्टितेलको मूल्य बढाएको छ । इन्डियन आयल कर्पोरेशन (आइओसी)ले मंगलबार (अगष्ट १) मा पठाएको मूल्य अनुसार नेपालमा पेट्रोलियम पदार्थको मूल्य बढाएको हो ।
निगमको सञ्चालक समितिकाे बैंठकले आज राती १२ बजेदेखि लागु हुने गरी पेट्रोल लिटरमा ९ रुपैयाँ र डिजलमा ७ रुपैयाँ बढाएको छ । खाना पकाउने ग्यासको मूल्य भने प्रतिसिलिण्डर १३० रुपैयाँ घटाएको छ ।
आइओसीले पेट्रोल प्रतिलिटर ८.१४, डिजेल प्रतिलिटर ६.८६ रुपैयाँ बढाएर र ग्यास प्रतिसिलिण्डर ११७.६२ रुपैयाँ घटाएर पठाएको निगमले जनाएको छ ।
निगमले मूल्य अभिवृद्धि करको प्रभाव एवं हालसालै लागू भएको पेट्रोलियम पदार्थ तथा ग्यासको स्वचालित मूल्य प्रणाली कार्यविधि-२०८० अनुसार आइओसीले पठाएको मूल्यमा नेपाली बजारको भाउ तय गरिएको जनाएको छ।
नयाँ मूल्यअनुसार अब काठमाडौंमा पेट्रोल लिटरको १७३ रुपैयाँ, डिजल र मट्टितेल १५३ रुपैयाँ लिटर पर्नेछ । खाना पकाउने ग्यासको मूल्य १६६० रुपैयाँमा कायम गरेको निगले जनाएको छ ।
.jpg)
