ऊर्जा खबर
काठमाडौं । इकोविट ब्राण्डका विद्युतीय स्कुटर किन्नेलाई माछापुच्छ्रे बैंक लिमिटेडले ऋण उपलब्ध गराउने भएको छ । स्कुटर खरिद गर्दा बैंकले क्रेडिट कार्ड मार्फत कर्जा सुविधा उपलब्ध गराउने भएको हो ।
बैंक र इकोविट नेपालबीच कर्जा सुविधा उलपब्ध गराउन सम्झौता भएको छ । सम्झौतापत्रमा बैंकका डिजिटल बैंकिङ्गका उप–प्रमुख उज्वल पाण्डे र इकोविट नेपालका प्रबन्ध निर्देशक हारुन खानले हस्ताक्षर गरे ।
कर्जा सुविधा अनुसार इकोविट ब्राण्डका विद्युतीय स्कुटर खरिद गर्दा ग्राहकले आफ्नो आम्दानी खुल्ने कागजात उपलब्ध गराएको ५ दिनभित्रमा स्कुटर लैजान पाउने कम्पनीले जनाएको छ ।
कम्पनीका अनुसार कर्जा सुविधा अनुसार ६ महिनादेखि १८ महिनासम्मका लागि सुविधा उपलब्ध गराइनेछ । जसअन्तर्गत ग्राहकले सो वापत ब्याज तिर्नु पर्दैन । शुन्य प्रतिशतको ब्याजदरमा उक्त कर्जा उपलब्ध हुनेछ ।
