ऊर्जा खबर
काठमाडौँ । ललितपुरका अधिकांश क्षेत्रमा शुक्रबार (भदौ २९ गते) बिहान करिब २ घण्टा विद्युत् आपूर्ति बन्द हुने भएको छ । पाटन सबस्टेसनको ६६ केभी 'बसबार'को मर्मतसम्भार कार्य गर्नुपर्ने भएकाले विद्युत् आपूर्ति बन्द गर्न लागेको नेपाल विद्युत् प्राधिकरणले जानकारी दिएको हो ।
प्राधिकरणका अनुसार मर्मत कार्यका शुक्रबार बिहान ५ बजेदेखि ७ बजेसम्म गर्ने योजना रहेकोले सो अवधिभित्र उक्त सबस्टेसनबाट विद्युत् आपूर्ति बन्द गर्न लागेको हो ।
निर्धारित समयभन्दा अगावै मर्मत कार्य सम्पन्न भएमा विद्युत् आपूर्ति सोहीअनुसार नियमित गरिने जनाइएको छ ।
