ऊर्जा खबर
काठमाडौँ । गरिमा विकास बैंकले टोयाेटा ब्राण्डका गाडी खरिद गर्न ग्राहकलाई सवारी कर्जा सुविधा दिने भएकाे छ । यसका लागि बैंक र गाडी वितरक कम्पनीबीच ऋणसम्बन्धी सम्झौता भएकाे छ ।
सम्झौतापछि टोयाेटा कम्पनी र बैंकलाई बैंकिङ्ग पार्टनरको रूपमा अघि बढाउने प्रतिबद्धता व्यक्त गरेका छन् । गरिमा विकास बैंक लिमिटेड र टोयाेटा गाडीको आधिकारिक वितरक युनाइटेड ट्रेडर्स सिन्डिकेट प्रालि बीच टोयाेटा गाडी खरिद गर्ने ग्राहकहरूलाई बैंकले आधार दरमा नै सवारी कर्जा प्रवाह गर्नेसम्बन्धी बैंक र कम्पनी बीच सम्झौता भएको हो ।
बैंकका अनुसार ग्राहकले नयाँ टोयाटा गाडी खरिद गर्दा बैंकको आधार दरमा नै अधिकतममा १२ बर्षसम्मको अवधिका लागि सवारी कर्जा लिन सक्नेछन् । ग्राहकहरूले व्यक्तिगत तथा व्यवसायिक दुवै प्रयोजनको लागि टोयाेटा ब्राण्डको सवारी साधन खरिद गर्दा यस्ताे कर्जा सुविधा प्राप्त गर्ने बताएका छन् ।
गरिमा विकास बैंक उपत्यकाभित्र २२ सहित देशभर १२३ शाखा कार्यालय, १ एक्सटेन्सन काउण्टर र ५१ वटा एटिएम मार्फत ग्राहकहरूलाई वित्तीय सेवा प्रदान गर्दै आइरहेको छ ।
