ऊर्जा खबर
काठमाडौं । नबिल बैंक १८ औँ हस्तकला व्यापार मेला र १६ औँ हस्तकला प्रतियोगिताको बैंकिङ्ग पार्टनर बनेको छ । नेपाल हस्तकला महासंघको आयोजनामा शुक्रबारदेखि देखि मंसिर ५ सम्म हयात रिजेन्सी होटलमा हुने व्यापार मेला तथा प्रतियोगिताको बैंकिङ पार्टनर बनेको हो ।
बैंक र नेपाल हस्तकला महासंघसँगबीच बैंकिङ्ग पार्टनर सम्बन्धी साझेदारीपत्रमा हस्ताक्षर भएको छ । बैंकको तर्फबाट एसएमई तथा माइक्रो फाईनान्स प्रमुख निरज बस्नेत डनिल र महासंघका तर्फबाट महानिर्देशक तारक थापाले साझेदारी पत्रमा हस्ताक्षर गरेका छन् ।
बैंकले महासंघसँगको सम्बन्धलाई निरन्तरता दिंदै यस वर्ष समेत कार्यक्रममा सहयोग तथा सहकार्य गर्ने निर्णय गरेको हो । महासंघसँग बैंकको यो तेस्रो सहकार्य हो । साथै, नेपाली उत्पादनलाई सहयोग एवं प्रोत्साहन गर्ने उद्देश्यले बैंकको पहल तथा दिगो बैकिङ्ग दृष्टिकोण अनुरुप साझेदारी गरिएको हो ।
एउटै छाताभित्र हस्तकला व्यवसाय प्रवर्द्धन गर्ने आयोजना गरिएको कार्यक्रममा आधिकारिक बैंकिङ्ग पार्टनरको रूपमा जोडिन पाउँदा गौरव लागेको बैंकका साना तथा मझौला उधम एवं लघुवित्त कर्जा विभाग प्रमुख डनिलले बताए । उनले कोरोना महामारीको मारले थला परेको हस्तकला व्यवसायको पुर्नरुत्थान गरी पु¥याई दक्ष जनशक्तिको रोजगारी सुनिस्चित गर्न सहयोग पुग्ने बताए ।
महासंघका महानिर्देशक थापाले नेपाली हस्तकला उद्यम र व्यवसाय प्रर्वद्धनका लागि आयोजना गरिने राष्ट्रिय स्तरका व्यापार मेलामा बैंकको निरन्तरको सहयोग र सहकार्यले समस्त हस्तकला व्यवसाय फष्टाउँदै जाने बताए । मेला शुक्रबारदेखि सुरु भएको छ ।
.jpg)
