भोजपुरमा १५ मेगावाटको इर्खुवा खोला ‘क’ जलविद्युत् आयोजना अघि बढाउँदै इस्टर्न इनर्जी

काठमाडौँ । इस्टर्न इनर्जी प्रालिले भोजपुरमा १५ मेगावाटको इर्खुवा खोला ‘क’ जलविद्युत् आयोजना निर्माण गर्ने भएको छ । जिल्लाको साल्पासिलिछो गाउँपालिका–४ र ५ मा अवस्थित इर्खुवा खोला र सानु खोलाको पानीलाई उपयोग गरेर कम्पनीले सो आयोजना निर्माण गर्न लागेको हो । नदी प्रवाहमा आधारित (आरओआर) आयोजनाको विस्तृत अध्ययन प्रतिवेदन तयार भइसकेको छ । 

कम्पनीले विद्युत विकास विभागसमक्ष उत्पादन अनुमतिपत्र (जेनेरेसन लाइसेन्स) माग गर्दै आवेदन दिएको थियो । विभागले सार्वजनिक सूचना निकालेर आयोजना निर्माण र सञ्चालन गर्दा पर्ने प्रतिकुल असरबारे ३५ दिनभित्र लिखित राय/सुझाव पेस गर्न सरोकारवाला निकायलाई आग्रहसमेत गरेको छ । 

आयोजनाका मुख्य संरचना इर्खुवा खोलाको दायाँ किनारमा निर्माण हुनेछन् । उत्पादित विद्युत् १३ किलोमिटर १३२ केभी सिंगल सर्किट प्रसारणलाइन निर्माण गरेर सितलपाटी सबस्टेसनमा जोडिनेछ । आयोजनाले वार्षिक सरदर ८७.१० गिगावावट वार्षिक सरदर उत्पादन गर्नेछ । निर्माण थालेको ३६ महिनामा पूरा गर्ने लक्ष्य राखेका छ ।