ऊर्जा खबर
काठमाडौं । दोलखामा १० मेगावाटको सिप्रिङ खोला जलविद्युत आयोजना निर्माण गरी सञ्चालनमा ल्याएका सिनर्जी पावर डेभलपमेन्ट लिमिटेडले हकप्रद सेयर निष्कासस अनुमतिका लागि नेपाल धितोपत्र बोर्डमा आवेदन दिएको छ । कम्पनीले २ः१ का अनुपातको हकप्रद सेयर निष्कासन अनुमति माग गर्दे फागुन ५ गते आवेदन दिएको हो ।
विद्युत नियमन आयोगले निष्कासन अनुमति दिएपश्चात बोर्डमा अनुमतिका लागि आवेदन दिएको कम्पनीले जनाएको छ । कम्पनीका अनुसार बोर्डबाट अनुमति प्राप्त हुने लगतै आफ्ना सेयरधनी सदस्यहरूलाई सेयर निष्कासन गरी बाँडफाँड गरिनेछ ।
कम्पनीकाे हाल चुक्ता पूँजी ४० करोड ३२ लाख ८७ हजार ५ सय रुपैयाँ रहेकाे छ। सय रुपैयाँ अंकित ४० लाख ३२ हजार ८७५ कित्ता सेयर निष्कासन गर्ने तयारी गरेको कम्पनीले जनाएकाे छ ।
कम्पनीको सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकिएको छ । कम्पनीको दोलखामा १० मेगावाटको सिप्रिङ खोला जलविद्युत आयोजना सञ्चालनमा छ ।
.jpg)
