ऊर्जा खबर
काठमाडौं । माया खोला हाइड्रो पावर कम्पनी लिमिटेडको सेयर आवेदन दिने आज अन्तिम दिन हो । कम्पनीले मंसिर २३ गते देखि प्रभावित स्थानीयका लागि निष्कासन गरेको सेयर आवेदन अवधि आज साझ ५ बजेबाट सकिन लागेको हो ।
आयोजनाबाट अति प्रभावित क्षेत्र संखुवासभा जिल्लाका चैनपुर नगरपालिकाको वडा नम्बर ८ र ९, धर्मदेवी नगपालिकाको वडा नम्बर ३,४ र ५, मादी नगरपालिकाको वडा नम्बर ४ र ६ का लागि ६ लाख कित्ता सेयर निष्कासन गरेको कम्पनीले जनाएको छ । कम्पनीका अनुसार अन्य स्थायी बासिन्दाका लागि ४ लाख कित्ता सेयर निष्कासन गरेको हो ।
कम्पनीले पहिलो चरणमा प्रभावित स्थानीय र वैदेशिक रोजगारीमा गएका नेपाली नागरिकका लागि सेयर निष्कासन गरेको हो । वैदेशिक रोजगारीमा गएका नेपाली नागरिककालागि २ लाख ४० हजार कित्ता सेयर निष्कासन गरेको थियो ।
कम्पनीले दोस्रो चरणमा सर्वसाधारणका लागि छुट्याएको सेयर निष्कासन गर्नेछ । स्थानीयले न्युनत्तम १० कित्ता देखि अधित्तम १ लाख कित्ता सम्म आवेदन दिन पाउँनेछन् । कम्पनीको सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकिएको छ ।
