ऊर्जा खबर
काठमाडौं । आँखु खोला जलविद्युत कम्पनी लिमिटेडले करिब साढे २ करोड रुपैया खुद नाफा कामाएको छ । कम्पनीले सार्वजानिक गरेको आर्थिक वर्ष २०७८/७९ को वित्तिय विवरण अनुसार कम्पनीले खुद नाफा कामाएको देखिएको हो ।
असार सम्मको अवधिमा २ करोड ४८ लाख १३ हजार ८ सय ४ रुपैयाँ खुद नाफा कमाएको कम्पनीले जनाएको छ । कम्पनीका अनुसार अघिल्लाे वर्षको तुलनामा भने नाफा बढेको हो । गत वर्ष १० लाख ५२ हजार ३ सय २७ रुपैयाँ खुद नाफा कमाएको थियो ।
कम्पनीले यस अवधिमा विद्युत बिक्री गरी २२ करोड २९ लाख ८२ हजार ९४ रुपैयाँ आम्दानी गरेको छ । कम्पनीले गरेको आम्दानी पनि गत वर्षको तुलनामा बढेको हो । गत वर्ष १९ करोड ३५ लाख ७८ हजार १ सय ५२ रुपैयाँ आम्दानी गरेको थियो ।
यस्तै, कम्पनीले अन्य स्रोतबाट हुने अाम्दानी भने घटेकाे जनाएकाे छ । गत वर्ष ९ लाख ३१ हजार ८ सय रुपैयाँ आम्दानी गरेको थियो । कम्पनीले अन्य स्रोतबाट असार सम्मको अवधिमा ७ लाख ९३ हजार ९ सय ७१ रुपैयाँ आम्दानी गरेको छ ।
कम्पनीको धादिङ जिल्लामा रहेको ८.४ मेगावाटको आँखु खोला–१ जलविद्युत आयोजना सञ्चालनमा छ । यो आयोजनाले २०७० भदौ ८ गतेदेखि निरन्तर विद्युत उतपादन गरिरहेको छ ।
