३४० मेगावाटको बूढीगण्डकीको पिपिएबारे सार्वजनिक सुनुवाई हुँदै

काठमाडौँ । ३४० मेगावाटको बूढीगण्डकी जलविद्युत् आयोजनाको पिपिएबारे सार्वजनिक सुनुवाई हुने भएको छ । टाइम्स इनर्जी प्रालिले निर्माण गर्न लागेको आयोजनाको पिपिएका लागि विद्युत् प्राधिकरणले आयोग समक्ष निवेदन दिएपछि त्यस उपर सार्वजनिक सुनुवाई हुन लागेको हो ।

विद्युत् विकास विभागको सभाहलमा चैत २० गते दिउँसो १ देखि ३ बजेसम्म सार्वजनिक सुनुवाई हुने आयोगले जानकारी दिएको छ । कार्यक्रममा उपभोक्ता, उद्योगी, व्यवसायी, स्थानीय बासिन्दा, प्रतिनिधिमूलक संस्थाहरू, स्थानीय तहका प्रतिनिधि तथा सबै सरोकारवालालाई बोलाइएको छ । 

सरोकारवालाहरूले लिखित रूपमा साथै आयोगको इमेल ठेगाना मार्फत आफ्ना राय, सुझाव तथा प्रतिक्रिया दिन सकिने पनि आयोगले जनाएको छ । आयोगको फेसबुकबाट उक्त कार्यक्रम प्रत्यक्ष प्रसारणसमेत हुने जानकारी दिइएको छ ।