ऊर्जा खबर
काठमाडौँ । बंगालको खाडीमा विकसित भई भारतको आन्ध्र प्रदेश हुँदै नेपाल प्रवेश गरेको ‘मोन्था’ चक्रवातका कारण बुधबारदेखि सुरु भएको वर्षा र हिमपात शनिबार बिहानसम्म कायम रहने जल तथा मौसम पूर्वानुमान महाशाखाले जनाएको छ । उक्त चक्रवातका कारण देशका अधिकांश भागमा वर्षा हुने बताइएको छ ।
खासगरी, बागमती, मधेस र कोशी प्रदेशमा मध्यमदेखि भारी वर्षा तथा हिमपातको सम्भावना रहेको, कर्णाली तथा सुदूरपश्चिम प्रदेशमा छिटफुट र अन्य प्रदेशमा मध्यम वर्षा हुने विभागले जनाएको छ ।
आगामी २४ घण्टामा कोशी, बागमती, गण्डकी र कर्णाली प्रदेशका उच्च पहाडी तथा हिमाली भेगका एकदुई स्थानमा भारी हिमपातको सम्भावना समेत रहेको विभागले जनाएको छ ।
