काठमाडौँ । नेपाल विद्युत् प्राधिकरणको लगनखेल वितरण केन्द्रअन्तर्गत ललितपुरका ९ स्थानमा विद्युत् अवरुद्ध भएको छ । अविरल वर्षासँगै आएको बाढी, पहिरो र डुबानका कारण विद्युत् लाइनहरुमा क्षति हुँदा यी स्थानमा विद्युत् अवरुद्ध भएको केन्द्रका प्रमुख विजय महतोले जानकारी दिए । हाल ती स्थानमा समस्या यकिन गरी लाइन सुचारु गर्ने प्रयास भइरहेको तथा कतिपय स्थानमा पहुँच मार्ग अर्थात् मोटरबाटो नै बगाएकोले लाइन सुचारु गर्न समस्या भइरहेको उनको भनाइ छ ।
लाइन अवरुद्ध भएका स्थानहरू र तीनको अवस्था
- महालक्ष्मी नगरपालिका–१० लाकुरी भञ्ज्याङमा करिब १० थान पोल ढली क्षति भएको तथा बाटो अवरुद्ध भएका कारण विद्युत् सुचारु हुने नसकेको अवस्था छ । बाटो खुले २ दिनभित्र विद्युत् सुचारु हुने छ ।
- गोदावरी नगरपालिका–३ फूलचोकी जाने मोटरबाटो अवरुद्ध रहेको र बाटो खुलेपछि ३ दिनभित्र सुचारु हुने छ ।
- गोदावरी नगरपालिकाकै भट्टेडाँडा राडार नजिक क्षतिको विवरण यकिन हुन सकेको छैन । आजको दिनभित्रै विद्युत् सूचारु हुने सक्ने
- ललितपुर–१४ कान्तिपुर कोलोनी, लोहाचोक, कुसुन्ती लगायत केही क्षेत्रमा आजै विद्युत् सूचारु हुने
- किस्ट मेडिकल कलेज पछाडि करिब २० घरमा आज लाइन सुचारु हुने सक्ने
- लिटिल एन्जल्स स्कुलपछाडि करिब ६० घरमा आज सुचारु हुन सक्ने
- भेल्पा जग्गा एकीकरण आयोजनामा रहेका करिब ५० घरमा आज सुचारु हुन सक्ने
- ललितपुर–२३ आईजे पायोनियर नजिक करिब ३० घरमा आज सुचारु हुन सक्ने
- गोदावरी लेलेतिर क्षतिको विवरण यकिन भएको ठाउँमा आज सुचारु हुने
ऊर्जा खबर
