ऊर्जा खबर
काठमाडौं । चिलिमे जलविद्युत कम्पनीले आफ्नो सेयरधनीलाई १५ प्रतिशत लाभांस दिने भएको छ । कम्पनीको गत शुक्रबार बसेको सञ्चालक समितिको बैंठकले आर्थिक वर्ष २०७७/७८ मा आर्जन भएको मुनाफाबाट सेयरधनी सदस्यलाई लाभांस दिने प्रस्ताव गरेको हो ।
सेयरधनीलाई गत आर्थिक वर्षको नाफाबाट ७.५ प्रतिशत नगद लाभांस र ७.५ प्रतिशत बोनस सेयर दिने प्रस्ताव सञ्चालक समितिबाट भएको कम्पनीले जनाएको छ । कम्पनीका अनुसार सञ्चालक समितिले गरेको प्रस्ताव कम्पनीको साधारणसभाले पारित गरेपछि वितरण गरिनेछ । कम्पनीको २५ औं वार्षिक साधारणसभा आगामी पुस २३ गते हुँदैछ ।
कम्पनीको रसुवामा २२.१ मेगावाटको चिलिमे जलविद्युत आयोजनाले विद्युत उत्पादन गरीरहेको छ । अहिले कम्पनीले सहायक कम्पनीमार्फत २ सय ७० मेगावाटका ४ जलविद्युत आयोजना निर्माण गरीरहेको छ ।
१४.८ मगावाटको माथिल्लो सान्जेन, ४२.५ मेगावाटको सान्जेन, १ सय ११ मेगावाटको रसुवागढी र १ सय २ मेगावाटको मध्य भोटेकोसी जलविद्युत आयोजना निर्माण गरिरहेको छ ।
.jpg)
