ऊर्जा खबर
काठमाडौं । नेपाल विद्युत प्राधिकरणले ३८औं वार्षिकोत्सवको अवसरमा २९८ कर्मचारीलाई दीर्घसेवा र उपहार पदकबाट सम्मान गर्ने भएको छ । प्राधिकरणले वार्षिकोत्सवको अवसर पारेर विभिन्न तहमा कार्यरत कर्मचारीलाई दीर्घसेवा र अवकास भएका कर्मचारीलाई उपहार पदकबाट सम्मान गर्न लागेको हो ।
५९ कर्मचारी दीर्घसेवा पदकबाट र २३९ कर्मचारीलाई उपहार पदकबाट सम्मान गर्न लागिएको प्राधिकरणले जनाएको छ । प्राधिकरणका अनुसार दीर्घसेवाबाट सम्मानित हुनेमा ९ तहका उप–निर्देशकदेखि ६ तहका सहायक कम्युटर अधिकृतसम्मको नाम स्वीकृत भएको छ ।
दीर्घसेवा पदक पाउनेमा ५ जना उप–निर्देशक, २ जना सहायक प्रबन्धक र ८ जना ७ तहका (प्रशासकिय अधिकृत, इन्जिनियर, लेखा अधिकृत) छन् । बाँकी ४३ जना ६ तहका कर्मचारी रहेको प्राधिकरणले जनाएको छ ।
यस्तै, प्राधिकरणको सेवाबाट अनिवार्य तथा स्वेच्छिक अवकास लिएका २३९ कर्मचारीलाई उपहार पदक दिन लागिएको हो । उपहार पदक पाउनेमा ३ उपकार्यकारी निर्देशकदेखि जुनियर हेल्परसम्म छन् ।
