ऊर्जा खबर
काठमाडौं । सरकारले आगामी आर्थिक वर्ष (आव) २०७९/८० भित्र १५०० मेगावाटभन्दा बढी क्षमताका जलविद्युत आयाेजना निर्माणमा लैजाने महत्त्वाकांक्षी लक्ष्य राखेकाे छ । अर्थ मन्त्री जनार्दन शर्माले आइतबार (जेठ १५ गते) संसदमा वाचन गरेकाे आगामी आवकाे बजेट तथा कार्यक्रममा उक्त कुरा उल्लेख गरिएकाे छ ।
बजेट तथा कार्यक्रम अनुसार १५१७.७० मेगावाट क्षमताका आयाेजना कुनैकाे निर्माण सुरु गर्ने, केही निर्माणका लागि ठेक्का गर्ने, कुनैकाे अध्ययन पूरा गर्ने बताइएकाे छ । साथै, २१० मेगावाटको चैनपुर सेती, ४८० मेगावाटको फुकोट कर्णालीआंशिक जलाशयय, १०६ मेगावाटको जगदुल्ला आंशिक जलाशयय, ९९.९ मेगावाटको तामाकोसी-५, ७७.५ मेगावाटकाे घुन्सा खाेला र ७०.३ मेगावाटकाे सिम्बुवा खाेला निर्माण अगाडि बढाइने भएकाे छ ।
यसैगरी, कर्मचारी सञ्चय कोषका सञ्चयकर्ताहरूको लगानी रहेको ४३९ मेगावाटको बेतन कर्णालीको निर्माणका लागि खरिद प्रक्रिया अगाडि बढाइने तथा दाङको माडिखोला डाईभर्सन गरी ३५ मेगावाट विद्युत उत्पादन कार्य अघि बढाइले बजेटमा उल्लेख छ । उक्त परियोजनाबाट दाङमा सिँचाई सुविधा उपलब्ध गराउन सम्भाव्यता अध्ययन गरिने भएकाे छ ।
.jpg)
