ऊर्जा खबर
काठमाडौं । सिन्धुपाल्चोकको याङग्री र लार्केको पानी मेलम्ची खानेपानी वितरण प्रणालीमा आपूर्ति गर्ने योजना कार्यान्वयनमा ल्याइने भएको छ । आइतबार अर्थमन्त्री जनार्दन शर्माले संसदको दुवै सदनमा आगामी आवको बजेट तथा कार्यक्रम प्रस्तुत गर्दै यस्तो बताएका हुन् ।
साथै, काठमाडौं खानेपानी सुधार आयोजना अन्तर्गत चक्रपथ बाहीरका क्षेत्रमा पाइप लाइन विछ्याउन १ अर्ब ९२ करोड रुपैयाँ बजेट विनियोजन गरिएको छ । मेलम्ची खानेपानी विकास समिती र ग्रामीण खानेपानी तथा सरसफाइ विकास समिती कोष खारेज गरिएकोले यी समिति बाट सञ्चालन हुदै आएका कार्य खानेपानी तथा ढल व्यवस्थापनबाट सञ्चालन हुने व्यवस्था मिलाइएको छ ।
