ऊर्जा खबर
काठमाडौँ । बिहीबार रातीदेखि भइरहेकाे निरन्तरकाे अति भारी वर्षाका कारण मकवानपुरस्थित कुलेखानी जलविद्युत केन्द्रको जलाशय –इनद्रसरोबर) भरिएको छ ।जलशायमा पानीको सतह बढी भएर पानी स्पिल वेबाट बाहिर जानथालेपछि शनिबार बिहान ५.४५ बजेबाट बाँधमा रहेका दुईवटा ढोका (गेट) आंशिकरूपमा खोलिएको हो ।
पानीको सतह बढ्न थालेपछि शुक्रबारबाटै ६० मेगावाटको विद्युत्गृहलाई निरन्तररूपमा पूर्ण क्षमतामा चलाइएको छ । विद्युत्गृहलाई पूर्ण क्षमतामाचलाउँदा पनि जलाधार क्षेत्रमा अविरल वर्षाका कारण जलाशयको पानी भण्डार गर्ने क्षमता भरिएको हो । जलाशयमा पानीको तह समुद्र सतहबाट १५३०.९३ मिटर पुगेको छ ।
केन्द्र प्रमुख तारादत्त भट्टकाअनुसार पानीको तह १५३०.३५ पुगेपछि बाँधका ढोका आंशिक रुपमा खोलिएको हो । कुलेखानीको जलाधार क्षेत्रमा हावाहुरीसहित अविरल वर्षा भइरहेकोले दुईवटै ढोका पूर्णरूपमा खोल्नु पर्ने अवस्था आउन सक्ने प्रमुख भट्टले बताए ।
बाँधका ढोका खोलिएकाले जलाशयको तल्लो तटीय क्षेत्रमा पर्ने बागमती नदीको बहाव बढ्ने हुँदा त्यस वरवर क्षेत्रका स्थाानीय बासिन्दा समयमै सुरक्षित र उच्च सतर्कतामा रहन केन्द्रले आग्रह गरेको छ ।
