ऊर्जा खबर
काठमाडौँ । अमेरिकी सहायता संस्था मिलेनियम च्यालेन्ज कर्पोरेसन (एमसिसी) ले निरन्तरता पाउने भएको छ । नेपाल सरकार र एमसिसीबीच २०७४ भदौ २९ गते भएको अनुदान सहयोगसम्बन्धी कम्प्याक्ट कार्यान्वयन सम्झौता २०८१ फागुन २२ गतेको पत्र अनुसार स्थगित भएकोमा साउन ८ गते प्राप्त पत्र अनुसार निरन्तरताका लागि सिफारिस भएको जानकारी आएको अर्थ मन्त्रालयले जनाएको हो ।
अमेरिकी राष्ट्रपति डोनाल्ड जे ट्रम्पको २०२५ जनवरी २० तारिकको कार्याकारी आदेशबाट पुनरावलोकनका लागि उक्त सहयोग सम्बन्धी सम्झौता ३ महिनाका लागि स्थगित गरिएको थियो ।
अमेरिकाले एमसिसी अनुदान अन्तर्गत ५५ करोड अमेरिकी डलरको अनुदान सहयोग तथा नेपालको १३ करोड डलर लगानीमा ३१५ किलोमिटर उच्च क्षमताको विद्युत् प्रसारण लाइन, ३ वटा ४०० केभीका सबस्टेसन तथा सडक सुधार परियोजना सञ्चालन गर्ने गरी सम्झौता अघि बढेको थियो ।
उक्त सहायताअन्तर्गतका परियोजना कार्यान्वयनमा लान नेपाल सरकारले एमसिए– नेपाल विकास समिति गठन गरी काम अघि बढाएको थियो । अमेरिकी सरकाले अचानक समीक्षाका लागि भन्दै ३ महिना उक्त सहयोग स्थगत गरेपछि अन्योल सिर्जना भएको थियो ।
.jpg)
