ऊर्जा खबर
.jpg)
काठमाडौं । सयपत्री हाइड्रो पावर लिमिटेडले शुक्रबार (साउन १३) देखि ७ लाख कित्ता निष्कासन गर्ने भएको छ । कम्पनीले बाग्लुङ जिल्लाको दरम खोला निर्माण सम्पन्न २.५ मेगावाटको दरम खोला–ए जालविद्युत आयोजनाले सर्वसाधारणका लागि छुट्याएको साधारण सेयर निष्कासन गर्न लागेको हो ।
आयोजना प्रभावित स्थानीयमा विक्री नभएको १ लाख २१ हजार ६० कित्तासमेत थप गरी कुल ७ लाख २१ हजार ६० लाख कित्ता सेयर निष्कासन गर्न लागेको कम्पनीले जनाएको छ । कम्पनीका अनुसार ५ प्रतिशत हुन आउने अर्थात ३६ हजार ५३ कित्ता सेयर सामूहिक लगानी कोष र २ प्रतिशत हुन आउने अर्थात १४ हजार ४ सय २१ कित्ता सेयर कम्पनीका कर्मचारीका लागि छुट्याएको छ ।
बाँकी, ६ लाख ७० हजार ५ सय कित्ता सर्वसाधारणका लागि निष्कासन गरिनेछ ।
सर्वसाधारणले न्यूतम १० कित्तादेखि अधिकतम ३० हजार कित्ता सम्म आवेदन दिन सक्नेछ । कम्पनीको सेयर निष्कासन गरी बाँफाँड गर्न एनआईबिएल क्यापिटललाई बिक्री प्रबन्धक तोकिएको छ ।
कम्पनीले बाग्लुङ जिल्लाको दरम खोलामा रहेको २.५ मेगावटको दरम खोला–ए जलविद्युत केन्द्रले २०७३ असार १२ गतेबाट निरन्तर विद्युत उत्पादन गरिरहेको छ । आयोजनाको कुल लागत ५३ करोड ४५ लाख रहेको छ भने प्रतिमेगावाट लागत खर्च २१ करोड ३८ लाख खर्च भएको छ ।
