दोर्दी जलविद्युत आयोजनाको सेयर आवेदन दिने आज अन्तिम दिन 

काठमाडौं । दोर्दी खोला जलविद्युत आयोजनाको सेयर आवेदन दिने आज अन्तिम दिन हो । कम्पनीले जेठ २६ गतेदेखि सर्वसाधरणका लागि निष्कासन गरेको सेयर आवेदन अवधि आज ५ बजेबाट सकिन लागेको हो । 

कम्पनीले सर्वसाधारणका लागि सय रुपैयाँ अंकित २१ करोड ९४ लाख ५० हजार ९ सय रुपैयाँ बराबरको २१ लाख ९४ हजार ५०९ कित्ता साधारण सेयर निष्कासन गरेको थियो । कम्पनीका अनुसार यसमा आयोजना प्रभावित स्थानीयले नकिनेको २ लाख ९७ हजार ८४० किता सेयरसमेत जारी गएिको हो । 

निष्कासन गरेको सेयरमध्ये ६५ हजार ८६५ कित्ता आफ्ना कर्मचारीका लागि छुट्याएको छ । यस्तै, १ लाख ९ हजार ७७५ कित्ता सामुहिक लगानी कोषका लागि र बाकी रहेको २० लाख १९ हजार ८६९ कित्ता सेयर सर्वसाधारणका निष्कासन गरिएको छ । 

कम्पनीको सेयर न्यूनतम १० कित्तादेखि अधिकतम १७ लाख कित्तासम्मका लागि आवेदन दिन पाउनेछन् । कम्पनीको सेयर निष्कासन गरी बाँडफाँड गर्न सिद्धार्थ क्यापिटल लिमिटेडलाई बिक्री प्रबन्धक तोकिएको छ ।

कम्पनीले साबिक ढोडेनी, फलेनी र बन्सार गाविस, हाल दोर्दी गाउँपालिका दोर्दी खोलाको पानी उपयोग गरी १२ मेगावाट क्षमताको दोर्दी–१ जलविद्युत आयोजनाको निर्माण गरिरहेको छ । आयोजनाको काम अन्तिम चरणमा पुगेको छ ।