ऊर्जा खबर
काठमाडाैँ । कपिलवस्तुको यशोधरा गाउँपालिका ६ रङपुरमा ट्रान्सफर्मर बनाउने क्रममा करेन्ट लागेर नेपाल विद्युत् प्राधिकरणका एक कर्मचारीकाे निधन भएकाे छ । प्राधिकरणका अनुसार साेमबार उनकाे निधन भएकाे हाे ।
प्राधिकरण तौलिहवा वितरण केन्द्रमा कार्यरत ज्यालादारी कर्मचारी यशोधरा २ गणेशपुरका ३२ वर्षीय हरिशचन्द्र मिश्रा हुन् । केन्द्रका अनुसार सोमबार हावाहुरी तथा झरीका कारण रङ्पुरमा ट्रान्सफर्मर बिग्रिएर विद्युत् आपूर्ति बन्द भएकाे थियाे । साेही ट्रान्सफर्मर बनाउने क्रममा करेन्ट लागेर उनको मृत्यु भएको जनाएकाे छ ।
