ऊर्जा खबर
काठमाडौं । सुपर मादी हाइड्रो पावर कम्पनीले साढे ३१ लाख कित्ता साधारण सेयर निष्कासन गर्ने भएको छ । कम्पनीले कास्कीको मादी खोलामा निर्माणाधीन ४४ मेगावाटको सुपर मादी खोला जलविद्युत आयोजनाको स्थानीय बासिन्दा र सर्वसाधारणका लागि छुट्याएको साधारण सेयर निष्कासन गर्न लागेको हो ।
कम्पनीले प्रतिकित्ता सय रुपैयाँमा अंकित ३१ करोड ५० लाख रुपैयाँ बराबरको साधारण सेयर निष्कासन गर्ने प्रक्रिया अघि बढाएकाे छ । कम्पनीले सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक नियुक्ती गरेको छ ।
बिक्री प्रबन्धक नियुक्तीपछि अब सेयर निष्कासनकाे अनुमतिका लागि नेपाल धिताेपत्र बाेर्डमा आवेदन दिने प्रक्रिया सुरु गरिने कम्पनीले जनाएकाे छ । पहिलाे चरणमा आयाेजना प्रभावित क्षेत्रका स्थानीका लागि सेयर निष्कासन हुनेछ । स्थानीकाे सेयर निष्कासन गरी बाँडफाँड सकिएपछि दाेस्राे चरणमा सर्वसाधारणका लागि सेयर निष्कासन गरिने भएकाे छ ।
कम्पनीले निर्माण गरिरहेकाे आयाेजना ६५ प्रतिशत सम्पन्न भएको छ । आयोजनाबाट २०७८ साल पुसभित्र विद्युत उत्पादन गर्ने सुरु गर्ने लक्ष्य छ । उत्पादित विद्युत २२ किलोमिटर दुरीमा रहेको लेखनाथ सबस्टेसनमा जोडिनेछ ।
