ऊर्जा खबर
काठमाडौं । प्रभु बैंक र टाटा नेपालको आधिकारिक वितरक सिप्रदी ट्रेडिङ प्रालिबीच बीच सम्झौता सम्पन्न भएको छ । विद्युतीय सवारी साधन खरिदमा कर्जा प्रवाह गर्न दुई कम्पनीबीच सम्झौता भएको हो ।
सम्झौतापत्र अुनसार सिप्रदी ट्रेडिङबाट ग्राहकहरुले टाटा मोटर्सअन्तर्गतका इलेक्ट्रिक भेइकल खरिद गर्दा छिटो, छरितो र सहजताका साथ प्रतिस्पर्धी ब्याजदरमा सवारी साधन कर्जा प्राप्त गर्न सक्ने व्यवस्था भएको बैंकले जनाएको छ । कर्जा योजना व्यवसाय सगसँगै वातावरणीय दायित्व पूरा गर्नेे बैंकको प्रयास रहेको छ, यो योजनाले नेपालकाे विद्युतलाई सदुपयोग हुने लक्ष्य लिइएको र विद्युतीय गाडी चढ्ने ग्राहकवर्गलाई कर्जा प्रदान गर्ने मात्र नभई वातावरणलाई दिगो बनाउन समेत टेवा पुग्ने बैंकले जानकारी दिएको छ ।
बैंकका अनुसार देशभर रहेका २ सय १७ शाखाबाट नै कर्जा सुविधा उपलब्ध हुनेछ । पेट्रोलियम पदार्थ खपतमा आधारित सवारीसाधनलाई विद्युतीय सवारीसाधनले प्रतिस्थापन गरी वातावरणीय सन्तुलनको दृष्टिकोणमा सहयोग हुने पनि बैंकले जनाकारी दिएको छ ।
