ऊर्जा खबर
.jpg)
मुस्ताङ । मुस्ताङको लोमान्थाङ गाउँपालिकाले पालिकाभित्र बसोबास गर्ने परिवारलाई विद्युतीय ‘इन्डक्सन’ चुलाेवितरण अभियान सुरु गरेकाे छ । गाउँपालिकामा केन्द्रीय विद्युत प्रसारणको पहुँच पुगेसँगै विद्युतीय चुलाेवितरण अभियान सुरु भएको हो ।
पहिलो चरणमा आर्थिक अवस्था कमजोर भएका, अपांगाता र ज्येष्ठ नागरिकलाई लक्षित गरी २ सय १० जनालाई चुलाेउपलब्ध गराइएको गाउँपालिका अध्यक्ष टसिन्हर्वु गुरुङले जानकारी दिए ।
स्थानीयले परम्परागत रूपमा प्रयोग गर्दै आइरहेका दाउरा र पछिल्ला वर्षमा प्रयोग हुँदै आएका ग्यास सिलिन्डर मुक्त बनाउने अभियान अन्तर्गत इन्डक्सन चुलाेवितरण गरिएको उनले बताए ।
गाउँपालिका अध्यक्ष गुरुङका अनुसार गत आवमा २ सय १० परिवारमा चुलाेवितरण गरिएकामा चालु आव २०८२र८३ को साउनभित्रै थप २ सय ६० जनालाई वितरण गर्ने योजना छ ।
‘इन्डक्सन चुलाेसँगै प्रयोग गर्ने विधिबारे पनि जानकारी गराएका छौँ, यहाँ दाउराको प्रयोग हुने घरमा अब इन्डक्सन चुल्होमा खान पाक्न सुरु भएको छ । यो अभियान जारी रहने छ’ उनले भने ।
लोमान्थाङ गाउँपालिकाभित्र ग्यास सिलिन्डरसँगै नियमित रुपमा दाउराको प्रयोग गरी खाना पकाउने गरिन्छ । स्थानीय पेम्बा गुरुङले गाउँपालिकाले निःशुल्क इन्डक्सन चुलाेवितरण गरेपछि ग्यास खरिद गरी ल्याउनुपर्ने र दाउरा खोज्न जानुपर्ने झन्झटबाट मुक्त भएको बताइन् ।
गाउँपालिका उपाध्यक्ष छयुमी विष्ट गुरुङले राम्रोसँग उपयोग गर्नसके करिब ५ वर्षसम्म चुलाे टिकाउ हुने र कुनै समस्या आए मर्मतका लागि पनि पहल गरिने जानकारी दिइन् । पालिकाका प्रमुख प्रशासकीय अधिकृत विशाल अधिकारीले गाउँपालिकालाई धुवाँरहित पालिका बनाउन यस अभियनले सहयोग पुग्ने बताए ।
