ऊर्जा खबर
काठमाडौँ । नेपाल विद्युत् प्राधिकरणमा कार्यरत ४ जना निर्देशक (११औँ तह) उपकार्यकारी निर्देशक (१२औँ तह) मा बढुवा भएका छन् । जेष्ठता, कार्यसम्पादन मूल्याङ्कनका आधारमा उनीहरूको बढुवा भएको हो ।
बढुवा हुनेहरूमा दुर्गानन्द बडियत, सुभासकुमार मिश्र, मोहनप्रसाद गौतम र राजनऋषि कँडेल रहेका छन् । बडियैत हाल योजना अनुगमन तथा सूचना प्रविधि निर्देशनालयको निमित्त उपकार्यकारी निर्देशकको जिम्मेवारीमा थिए ।
यसैगरी, मिश्रले प्राधिकरणको सहायक चिलिमे जलविद्युत् कम्पनी लिमिटेडको प्रमुख कार्यकारी अधिकृत, गौतमले अप्पर तामाकोसी हाइड्रो पावर लिमिटेडको प्रमुख कार्यकारी अधिकृत र कँडेलले प्रशासनको निर्देशकको निर्देशकको जिम्मेवारी सम्हालिरहेका छन् ।
जेष्ठता, कार्यसम्पादन मूल्याङ्कन तथा कार्यक्षमता मूल्याङ्कनबाट बढुवा गर्न प्राधिकरणले २०८० साल पुस ५ गते दरखास्त आह्वान गरेको थियो । उल्लिखित बढुवा सिफारिसमा चित्त नबुझ्ने उम्मेदवारले बढुवा सिफारिस गरिएको आधारमा १५ दिनभित्र पुनरावलोकन समितिसमक्ष निवेदन दिन सक्ने जनाइएको छ ।
