ऊर्जा खबर
काठमाडौं । लमजुङको दोर्दी खोलामा निर्माण भइरहेको १२ मेगावाटको दोर्दी–१ जलविद्युत आयोजनाबाट उत्पादित विद्युत प्रवाह गर्ने प्रसारण लाइनको काम सम्पन्न भएको छ । विद्युतगृहदेखि ४ किलोमिटर दूरीसम्म (उदीपुर) को काम पूरा भएको हो ।
प्रवर्द्धक दोर्दी खोला जलविद्युत कम्पनी लिमिटेडले प्रवद्र्धन गरेको दोर्दी–१ का लागि प्रसारण लाइन निर्माणको जिम्मा कस्मिक इलेक्ट्रिकल इन्जिनियरिङ एसोसियट्स प्रालिलाई दिइएको थियो । इपिसी (अध्ययन, खरिद र निर्माण) ठेक्का निर्माण गरिएको यो प्रसारण कोरोना महामारीको बीचमा पनि सफलताका साथ पूरा गर्न सकिएको आयोजनाका प्रबन्धक सञ्जिवकुमार यादवले बताए ।
उता १२ मेगावाटको दोर्दी–को निर्माण समेत पूरा भई परीक्षणको चरणमा रहेको प्रवद्र्धक कम्पनीले जानकारी दिएको छ । आयोजनाको विद्युत लमजुङकै कीर्तिपुरस्थित १३२ केभी सबस्टेसनमा जोड्ने गरी कनेक्सन एग्रिमेन्ट (प्रसारण सम्झौता) भएको छ । तर, नेपाल विद्युत प्राधिकरणले निर्माण गर्नुपर्ने लाइनको काम भने पूरा हुन सकेको छैन ।
करिब ७–८ महिना अगाडि कीर्तिपुर र उदीपुरको बीचमा बाढीका कारण ढलेको टावर प्राधिकरणले अहिलेसम्म पनि निर्माण गर्न सकेको छैन । यही कारण दोर्दीको तर्फबाट सम्पूर्ण पूरा भए पनि विद्युत प्रवाह हुन समस्या रहेको प्रवर्द्धक कम्पनीको भनाइ छ ।
