ऊर्जा खबर
काठमाडौं । सिल्क पावर कम्पनीले २४.८८ मेगावाटको लुजा खोला जलविद्युत आयोजना निर्माण गर्ने भएको छ । कम्पनीले सोलुखुम्बु जिल्लामा पहिचान भएको आयेजना अघि बढाउन लागेको हो ।
आयोजनाको वातावरण अध्ययन प्रतिवेदन तयारी गर्ने काम भइरहेको कम्पनीले जनाएको छ । कम्पनीका अनुसार प्रतिवेदन तयार गर्ने क्रममा सो क्षेत्रको प्राकृतिक भौतिक प्रणाली, जैविक प्रणाली, सामाजिक प्रणाली, सास्कृतिक प्रणाली र आर्थिक प्रणालीमा के–कस्ता प्रभाव पार्दछ राय सुझाव मागिएको छ ।
स्थानीय नगरपालिका, गाउँपालिका तथा विद्यालय, अस्पताल, स्वास्थ्य चौकी तथा सरोकारवाला व्यक्तिले राय सुझाव पठाउनुपर्नेछ । इच्छुकले आगामी सोमबार (जेठ २ गते) सम्म कम्पनीको कार्यालय वा राजबन्धु सर्भिसेज प्रालिमा पठाउनुपर्नेछ ।
आयोजना जिल्लाको खुम्बु पासांग ल्हामु गाउँपालिका र सोलु दुधकुण्ड नगरपालिका भएर बग्ने लुजा खोलामा निर्माण हुनेछ । बाध क्षेत्रबाट करिब २.५ किलोमिटर सुरुङामार्गद्धारा खुम्बु पासांग गाउँपालिकाको नक्चुगं गाउँमा निर्माण हुने विद्युतगृहमा पानी खसाली विद्युत उत्पादन सुरु गरिनेछ । उत्पादीत विद्युत १३२ केभी सोलु कोरिडोर प्रसारण लाइनमा जोडिनेछ ।
