मध्य भोटेकोशीको ५ करोड १३ लाख ६० हजार कित्ता शेयरको ‘लक–इन’ अवधि सकिँदै

काठमाडौँ । मध्य भोटेकोशी जलविद्युत् आयोजनाको ५ करोड १३ लाख ६० हजार कित्ता शेयरको लक–इन अवधि एक महिनापछि समाप्त हुने भएको छ । कम्पनीका अनुसार २०७८ कात्तिक ७ गते सर्वसाधारण शेयरको बाडँफाँट गरिएको उक्त मितिले ३ वर्ष पूरा हुन लागेको हो ।

यस्तो शेयर मध्ये संस्थापक शेयरधनीको नाममा रहेको ३ करोड ६ लाख कित्ता, कर्मचारी सञ्चय कोषमा रकम जम्मा गरेका सञ्चयकर्ता कर्मचारीहरूको नाममा १ करोड १७ लाख कित्ता, संस्थापक शेयरधनी संस्थाका कर्मचारीहरूको नाममा २१ लाख कित्ता रहेको छ । 

त्यस्तै, ऋणदाता संस्था (कर्मचारी सञ्चय कोष) का कर्मचारीका नाममा ६ लाख कित्ता, आयोजना प्रभावित सिन्धुपाल्चोक जिल्लाका स्थानीय बासिन्दाहरूको नाममा ६० लाख कित्ता र कम्पनी कर्मचारीको नाममा ३ लाख ६० हजार कित्ता रहेको छ । लकइन अवधि सकिएपछि शेयरको कारोबार गर्न मिल्ने छ ।