अप्पर तामाकोसीको लकइन पिरियड सकियो, सेयर बेच्न पाइने

काठमाडौं । अपर तामाकोसी हाइड्रो पावर लिमिटेडको साधारण सेयर बिक्री (लकइन पिरियड) खुला भएको छ । कम्पनीले आयोजना प्रभावित स्थानीय बासिन्दालाई निष्कासन गरेको सेयरको लकइन पिरियड खुल्ला भएको हो ।

१ करोड ५ लाख ९० हजार कित्ता सेयरको लकइन पिरियड खुल्ला भएको कम्पनीले जनाएको छ । कम्पनीका अनुसार १० करोड ५९ लाख कित्ता साधारण सेयरमध्ये १० प्रतिशतले हुन आउने सेयर २०७५ कात्तिक १४ गते आयोजना प्रभावित स्थानीयका लागि बाँडफाँड गरिएको सेयरकाे लकइन पिरियड सकिएकाे हाे ।

अब आयोजना प्रभावित दोलखाका स्थानीय बासिन्दाले आफ्नो सेयर बिक्री गर्न पाउने भएको कम्पनीले जनाएको छ । यसअघि कम्पनीको सेयरमा ३ वर्षका लागि लकइन पिरियड कायम गरी सेयर कारोबार रोक्का हुँदै आएको थियो ।

कम्पनीले दोलखामा निर्माण सम्पन्न गरेको ४५६ मेगावाटको माथिल्लो तामाकोसी जलविद्युत आयोजनाले विद्युत उत्पादन गरिरहेको छ । आयोजनाबाट गत असार २१ गते पहिलो युनिट सञ्चालनमा आएको थियो । आयोजनाको पहिलो युनिट २१ गते र दोस्रो युनिट २९ गते जोडिएको थियो । बाँकी, ३ सय ४ मेगावाट विद्युत साउनमा जोडिएको हो ।