ऊर्जा खबर
काठमाडौं । रुरु जलविद्युत परियोजना लिमिटेडले १०.५२६ प्रतिशत बाेनस सेयर र लाभांश पारित गर्न सधारण सभाकाे अह्वान गरेकाे छ । सञ्चालक समितिको असोज ७ गते बसेको बैठकले आफ्ना सेयरधनी सदस्यहरूलाइ बाेनस सेयर र लाभांश पारित गर्न कातिक ४ गतेकाे लागि साधारणा सभा बाेलाएकाे हाे ।
कम्पनीका अनुसार साधारण सभामा आर्थिक वर्ष २०७८/७९ अवधिको मुनाफाबाट चुक्ता पुँजीको ०.५२६३ प्रतिशतको नगद लाभांश र १० प्रतिशत बोनस सेयर जारी गर्ने प्रस्ताव पारित गर्नेछ ।
साथै, आर्थिक वर्ष २०७९/८० को लागि लेखापरीक्षक नियुक्त गरी पारिश्रमिक समेत निर्धारण गर्ने जनाइएको छ । सभामा वार्षिक प्रतिवेदन, वित्तीय विवरण, नाफा/नोक्सान हिसाब नगद प्रवाह लगायत विषयमा छलफल गरी पारित गर्नेछ ।
कम्पनीले आयाजना गरेको साधारण सभा कात्तिक ४ गते (शुक्रबार) दिउँसो १ बजे बानेश्वर ब्याङ्केटमा हुनेछ । कम्पनीकाे गुल्मी ५ मेगावाटकाे हुग्दी खाेला सञ्चालनमा छ ।
.jpg)