ऊर्जा खबर
काठमाडौं । सान्भि इनर्जी लिमिटेडले साधारण सेयर निष्कासन अनुमतिका लागि नेपाल धितोपत्र बोर्ड (सेबोन) मा आवेदन दिएको छ । कम्पनीले प्रभावित स्थानीय र सर्वसाधारणका लागि छुट्याएको सेयर निष्कासन गर्न भदौ २७ गते (बुधबार) बोर्डमा आवेदन दिएको हो ।
कम्पनीले जारी पूँजी ३७ करोड ९० लाख रुपैयाँ बराबरको ३७ लाख ९० हजार कित्ता सेयर निष्कासन गर्न आवेदन दिएको कम्पनीले जनाएको छ । कम्पनीका अनुसार बोर्डबाट स्वीकृत प्राप्त हुने लगतै पहिलो चरणमा प्रभावित स्थानीयका लागि सेयर निष्कासन तथा बाँडफाँड गरी दोस्रो चरणमा सर्वसाधारणका लागि निष्कासन गरिनेछ ।
कम्पनीले सेयर निष्कासन गरी बाँडफाँड गर्न नेपाल एबिआई मर्चेन्ट बैंकिङ लिमिटेडलाई बिक्री प्रबन्धक नियुक्त गरेको छ । कम्पनीले इलाममा ५.२ मेगावाटको जोगमाई क्यासकेड जलविद्युत आयोजना निर्माण गरिरहेको छ भने ७.६ मेगावाटको जोगमाई खोला स्मल जलविद्युत आयोजना सञ्चालन गरिरहेको छ ।
.jpg)
