स्थानीयले मनकमना इन्जियरिङको सेयर आवेदन दिने आज अन्तिम दिन

काठमाडौं । स्थानीयले मनकामना इन्जिनियरिङ हाइड्रो पावर कम्पनी लिमिटेडको सेयर आवेदन दिन आज अन्तिम दिन हो । कम्पनीले प्रभावित स्थानीयका लागि असार १९ गतेदेखि निष्कासन गरेको सेयर आवेदन अवधि आज (सोमबार) साँझ ५ बजेबाट सकिन लागेको हो । 

जारी पूँजी ८० करोड रकमको १० प्रतिशत अर्थात ८ करोड रकम बराबरको सय रुपैयाँ अंकित ८ लाख कित्ता सेयर आयोजना प्रभावति क्षेत्र दोलखा जिल्लाको गौरीशंकर गाउँपालिका वडा नम्बर ५,६,७, ८, बिगु गाउँपालिका वडा नम्बर ४ र कालिञ्चोक गाउँपालिका वडा नम्बर ३ का स्थानीय बासिन्दाहरुका लागि निष्कासन गरेको कम्पनीले जनाएको छ । कम्पनीका अनुसार प्रभावित स्थानीयले न्यूनतम १० कित्तादेखि अधिकतम १ लाख कित्ता सम्म आवेदन दिन पाउनेछन् । 

कम्पनीको सेयर निष्कासन गरी बाँडफाँड गर्न बिओके क्यापिटल मार्केट लिमिटेडलाई बिक्री प्रबन्धक तोकिएको छ । कम्पनीको दोलखा जिल्लामा ५ मेगावाटको घट्टे खोला जलविद्युत आयोजना सञ्चालनमा छन् ।