ऊर्जा खबर
काठमाडौँ । सुपर बागमती हाइड्रोपावर लिमिटेडले निर्माण गर्ने ४१.३१ मेगावाटको सुपर तल्लाे बागमती जलविद्युत् आयाेजनामा लक्ष्मी सनराइज बैंकको अगुवाइमा ३ बैंकले लगानी गर्न टुंगाे लागेकाे छ ।
ललितपुर र मकवानपुर जिल्लालाई छुने आयोजनामा लक्ष्मी सनराइजसहित एभरेस्ट बैंक र सिटिजन्स बैंक इन्टरनेसनलले क्रमश: ३.४ अर्ब, २.५ अर्ब र १ अर्ब रुपैयाँ लगानी गर्ने सम्झाैता भएकाे छ । कुल ९ अर्ब २८ करोड रुपैयाँ लागत अनुमान गरिएकाे आयाेजनामा एसियन लाइफ इन्स्योरेन्स कम्पनी र एनएनके कन्स्ट्रक्सन मुख्य प्रवद्धक रहेका छन् ।
२०७८ माघ १२ गते विकास विभागबाट विद्युत उत्पादनको अनुमतिपत्र लिएर २०८० आसार २५ गते नेपाल विद्युत प्राधिकरणसँग विद्युत खरिद सम्झौता (पिपिए) गरिसकेको छ । बैंकहरूले कुल लागतको ७४.३३ प्रतिशत ऋण लगानी र २५.६७ प्रतिशत रकम संस्थापकहरूको लगानी रहने छ । आयोजनाबाट वार्षिक २४३.८० गिगावाट घन्टा (२४ कराेड ३८ लाख युनिट) ऊर्जा उत्पादन हुनेछ ।
