ऊर्जा खबर
काठमाडौं । अविरल वर्षासँगै आएको पहिरोले ३३ केभी वितरण लाइनमा क्षति पुर्याउँदा चामे क्षेत्रको विद्युत सेवा अवरुद्व भएको छ । बुधबार (जेठ १० गते) वर्षासँगै गएको पहिरोले मनाङ जिल्लाको ३३ केभी राधी-स्यार्क्यू प्रसारण लाइनमा क्षति पुर्याउँदा लाइन क्षतिग्रस्त भइ सेवा अवरुद्व भएकाे हाे ।
जिल्लाकाे नाशो गाउँपालिका वडा नम्बर–१ सिरानी ताल नजिक पहिरो जाँदा ३३ केभी प्रसारण लाइनमा क्षति पुगेको मनाङ वितरण केन्द्रका फाेरमेन धर्मराज महर्जनले बताए । ‘बुधबार बेलुकी ५ बजेतिर झरेको पहिरोले प्रसारण लाइनको पोल नै ढालेकाे छ’, उनले ऊर्जा खबरसँग भने, ‘पहिरो सडकमै झरी बाटो र विद्युती पोलमा क्षति पुगेको छ, यसकाे मर्मतका लागि टाेली खटाइएकाे छ, मर्मत गर्न २/३ दिन लाग्ने छ ।’
विद्युतीय पोल ढलेपछि जिल्लाको सदरमुकाम चामेमा विद्युत सेवा अवरुद्ध भएको छ । सेवा बन्द हुँदा यी लाइनबाट वितरण हुने सम्पूर्ण क्षेत्र प्रभावित भएको छ ।
.jpg)
