ऊर्जा खबर
काठमाडौँ । दैलेखको आठबीस नगरपालिकाको ९०६ घरधुरी रहेको वडा नम्बर १ मा विद्युतीयकरण गरिएको छ । उक्त वडामा पर्ने सात्तला र झुजमा ५० केभीएका दुई थान ट्रान्सर्फमर जडान तथा वितरण लाइन विस्तार गरी विद्युतीकरण गरिएको एवम वितरण लाईन चार्ज गरी विद्युतीकरण गरिएको छ । विद्युत् सेवा पुगेपछि करिब ६० प्रतिशत घरधुरीमा विद्युत्को पहुँच पुगेको छ ।
निर्माण कम्पनी रेनु कन्स्ट्रक्सन प्रालिले वितरण लाइन विस्तारको काम गरेको हो । कर्णाली प्रदेश सरकार, भौतिक पूर्वाधार तथा शहरी विकास राज्यमन्त्री गमता विकसहित स्थानीय जनप्रतिनिधिको तीव्र पहल पछि सो क्षेत्रमा बिजुली बालिएको हो ।
मध्यपहाडी लोकमार्गमा पर्ने उक्त सुन्दर बस्तीमा विद्युतीकरण भएपछि स्थानीयमा खुसी छाएको छ ।
