ऊर्जा खबर
काठमाडौं । नेपाल विद्युत प्राधिकरण, वातावारण तथा सामाजिक अध्ययन विभागले ३ वर्षको अवधिमा ३९ प्रसारण लाइन आयोजनाको अध्ययन गरेको छ । विभिन्न जलविद्युत, प्रवेश मार्ग, सौर्य ऊर्जा, भवनजस्ता आयोजनाको अध्ययन गरिरहेको विभागले यी लाइनको अध्ययन गरेको हो ।
८ आयोजनाको वातावरणीय प्रभाव मुल्याङ्कन (इआइए), ३१ लाइनको प्रारम्भिक वातावरणीय परीक्षण प्रतिवेदनहरू सम्बन्धित ऊर्जा मन्त्रालयबाट स्वीकृत भएको विभागले जनाएको छ । ईआइए स्वीकृत भएकाेमा १३२ केभीको कोहलपुर–सुर्खेत, बलाँच–अत्तरिया, बर्दघाट–सर्दि, नयाँ मोदी–लेखनाथ लाइन पर्दछन् । यस्तै, २२० केभी क्षमताको कालिगण्डकी (बुटवल–बर्दघाट) कोरिडोर, हेटौंडा–बर्दघाट र ३३ केभी क्षमताको जगतपुर–माडी प्रसारण लाइन रहेका छन् ।
यस्तै, प्रारम्भिक वातावरण परिक्षण (आइइइ) स्वीकृत भएकाेमा २२० केभी क्षमताका लेखनाथ–दमौलि, बोराङ–नौबिसे, तुम्लिङ्टार–सितलपाटी, त्रिशुली ३ ‘बी’–रातमाटे, कोसी–कोरिडोर, तामाकासी ५ जलविद्युत आयोजनाको लाइन रहेका छन् । यस्तै, ४०० केभी क्षमताको निजगड–पोखरीया लाइनको आइइइ स्वीकृत भएको छ ।
१३२ केभी क्षमताको बलेफी कोरिडोर, डाँडाखेत–राहुघाट, कुशाहा–विराटनगर, घोराही–माडीचौर, मैनहिया–सम्पत्तिया, ढल्केबर–बालगंगा, लालबन्दी–सलेमपुर, भुमही–हकाइ, अमरपुर–ढुङ्गेसाँघु, परवानीपुर–पोखरिया, गोदक–सोयक, कालीगण्डकी–रिडी, भक्तपुर–ठिमी, सुर्खेत–दैलेख, बाफिकोट–खुङ्ग्री लाइनको आइइइ स्वीकृत भएको विभागले जनाएको छ ।
यस्तै, रुपनी–बोदेबरसाइन, लहान–सुखिपुर, कोहलपुर–नेपालगञ्ज, माथिल्लो मोदी ‘ए’ र माथिल्लो मोदीको लाइन, पथलैया–हर्निया, बुटवल–लुम्बिनी, प्रसौनी–विरगञ्ज, थिमी–बालकुमारी लाइन छन् । र ३३ केभी क्षमताका त्रिशुली ३ ‘बी’ –भाल्चेसम्मको लाइनको आइइइ स्वीकृत भइसकेको छ ।
विभागले अध्ययन गरेका आयोजनामध्ये केही आयोजनाको निर्माण सम्पन्न गरी सञ्चालनमा छन् । बाँकी आयोजनाको निर्माणको काम भइरहेको छ ।
