ऊर्जा खबर
काठमाडौं । आँखुखोला जलविद्युत कम्पनीले आर्थिक वर्ष २०७९/८० चौथो त्रैमासको वित्तीय विवरण सार्वजनिक गरेको छ । कम्पनीले सार्वजनिक गरेको विवरण अनुसार विद्युत बिक्रीबाट १९ करोड रुपैयाँ भन्दा बढी आम्दानी गरेको छ ।
सार्वजनिक वित्तीय विवरणअनुसार कम्पनीले यो अवधिमा आँखु खोला जलविद्युत केन्द्रको विद्युत बिक्री गरी १९ करोड २२ लाख १६ हजार ९ सय ९० रुपैयाँ आम्दानी गरेको छ । कम्पनीको आम्दानी गत वर्षको तुलनामा घटेको हो । कम्पनीले गत वर्ष २२ करोड २९ लाख ८२ हजार ९४ रुपैयाँ आम्दानी गरेको थियो ।
विद्युत आम्दानी घटेसँगै कम्पनी घाटामा देखिएको छ । गत वर्ष २४ करोड ८१ लाख ३८ हजार रुपैयाँ खुद नाफा कमाएका यस कम्पनीले यो अवधिमा ४६ लाख ६१ हजार २ सय ६२ रुपैयाँ मात्र कामाएको छ । कम्पनीको धादिङमा ८.४ मेगावाटको आँखु खोला–१ जलविद्युत आयोजना सञ्चालनमा छ । आयोजनाले २०७० भदौ ८ गतेदेखि निरन्तर विद्युत उत्पादन गरिहरको छ ।
