४५४ मेगावाटको किमाथांका अरुणको वातावरण प्रभावका सम्बन्धमा सुझाव माग

काठमाडौं । ४५४ मेगावाटको किमाथांका अरुण अर्धजलाशययुक्त जलविद्युत आयोजनाको प्रवर्द्धक विद्युत उत्पादन कम्पनी लिमिटेडले सरोकारवालासँग राय/सुझाव माग गरेको छ । कम्पनीले आयोजना निर्माण गर्दा पर्न सक्ने वातावरणीय प्रभावका सम्बन्धमा सम्बन्धित सरोकारवालासँग राय/सुझाव मागेको हो ।

सम्बन्धित सरोकारवालालाई आयोजना निर्माण गर्दा स्थानीय क्षेत्रको वातावरणमा पर्न सक्ने प्रतिकुल प्रभावका सम्बन्धमा लिखित राय/सुझाव माग गरिएको कम्पनीले जनाएको छ । कम्पनीका अनुसार प्रतिवेदन तयारी गर्ने क्रममा सो क्षेत्रको प्राकृतिक, भौतिक, जैविक, सामाजिक, साँस्कृतिक र आर्थिक प्रणालीमा के कस्तो प्रभाव पर्दछ भनी यकिन गर्न सो क्षेत्रको नगरपालिका, गाउँपालिका, विद्यालय, अस्पताल, स्वास्थ्य चौकी तथा सरोकारवाला त्यक्ति वा संस्थासँग लिखित राय सुझाव माग गरिएको  छ ।

प्रभावितले आगामी एक साताभित्र आइपुग्ने गरी राय/सुझाव पठाउनुपर्नेछ । यो आयोजना प्रदेश नम्बर १ को संखुवासभा जिल्लाको भोटखोला गाउँपालिका वडा नम्बर २ भई बहने अरुण नदीको खण्डमा अवस्थिच रहने गरी प्रस्ताव गरिएको छ ।

आयोजनाको बाँध छुम्सुर गाउँनजिकै अरुण नदीमा निर्माण हुनेछ । सो बाँधका कारण नदीमा करिब ०.३५० वर्ग किलोमिटर क्षेत्रफलमा फैलिएको १०३ लाख घनमिटर क्षमताको जलाशय बन्नेछ ।

आयोजना पूरा भएपछि वार्षिक २६५५.१२ गिगावाट घन्टा बराबरको विद्युत उत्पादन हुनेछ ।