ऊर्जा खबर
काठमाडौं । नेपाल विद्युत प्राधिकरणले विभिन्न सेवा समूहमा कार्यरत २० कर्मचारीलाई मिटररिडिङ सुपरभाइजरमा बढुवा गरेको छ । प्राधिकरण बढुवा सिफारिस समितिले सोमबार जेष्ठता, कार्यसम्पादन तथा कार्यक्षमता मुल्याङकनका आधारमा ४ तहका ती कर्मचारीलाई मिटररिडिङ सुपरभाइजर (५ तह) मा बढुवा गरेको हो ।
कर्मचारी सेवा विनियमावली, २०६२ को विनियम ४३ क र विनियम ५० बमोजिम जेष्ठता र कार्यसम्पादन तथा कार्यक्षमताका आधारमा बढुवा गरिएको प्राधिकरणले जनाएको छ । प्राधिकरणका अनुसार जेष्ठता तथा कार्यसम्पादनका आधारमा ९ कर्मचारी र कार्यक्षमता मुल्याङकनका आधारमा ११ कर्मचारीलाइ बढुवा गरिएको छ ।
जेष्ठता र कार्यसम्पादनका आधारमा इश्वर भक्त श्रेष्ठ, शालिकराम खड्का, रेणुका अधिकार, उमेश राज काफ्ले, ज्ञानमाया भट्टराई, उमा काफ्ले कटुवाल, राधादेवी भण्डारी अर्याल, संगिता अधिकारी पौडेल, राममणि रिजाललाई मिटर रिडिङ सुपरभाइजरमा बढुवा गरिएको छ ।
यस्तै, कार्यक्षमता मुल्याङकनका आधारमा टंक प्रसाद अधिकारी, राज कुमार यादव, राजन बहादुर श्रेष्ठ, संगिता राई जिरेल, बिन्दिरा मर्हजन, मन्जु कुमारी खड्का, संजिता निरौला कोइरालालाई बढुवा गरिएको छ । राधा रानाभाट खत्री, हिमराज अधिकारी, विशाल दाहाल, संगिता बानियाँलाई मिटररिडिङ सुपरभाइजरमा बढुवा गरिएको प्राधिकरणले जनाएको छ ।
