ऊर्जा खबर
काठमाडौँ । विद्युत् नियमन आयोगले आफ्नो कार्यालय सार्न तयारी सुरु गरेको छ । विद्युत् विकास विभागको भवनमा बस्दै आएको आयोगमा नयाँ पदाधिकरी नियुक्तिसँगै कार्यालयका लागि छुट्टै स्थानको खोजी शुरू गरिएको हो । यसका लागि आयोगले आवश्यक मापदण्ड खुलाएर घर भाडामा लिन बोलपत्र आह्वान गरेको छ ।
आयोगका अनुसार बोलपत्रसम्बन्धी सूचना प्रकाशित भएको मितिले १५ दिनभित्र भाडामा लगाउन इच्छुक घरधनीले सिलबन्दी बोलपत्र पेश गर्नुपर्ने छ ।
आयोगका अनुसार भाडामा लगाउने प्रस्तावित घर वा फ्ल्याटको क्षेफल ८ हजार देखि ८ हजार ५ सय वर्गफिटको हुनुपर्ने छ । २०७२ सालपछि बनेको भूकम्प प्रतिरोधात्मक मापण्ड पूरा गरेको र आरसीसी पक्की घर हुनुपर्ने छ । त्यस्तै, सिंहदरबाटबार २ किलोमिटरभित्र अस्पताल, पेट्रोल पम्प ग्यारेज र सुरक्षा निकाय रहेको १ किलोमिटरको दूरीभित्र हुनुपर्ने छ ।
२५ वटा चार पाङ्ग्रे र ३० वटा दुई पाङ्ग्रे सवारी साधन पार्किङ गर्न मिल्ने हुनुपर्ने मापदण्ड आयोगले तोकेको छ ।
सार्वजनिक खरिद नियमावली, २०६४ को नियम ९४ को उपनियम (४) अनुसार गठित घरभाडा निर्धारण समितिले निर्धारण गरेको दररेटमा मात्र भाडामा लिइने आयोगले सूचनामार्फत जानकारी गराएको छ ।
