विद्युत् प्राधिकरणको सञ्चालक समिति सदस्यमा रोहित पौडेल नियुक्त

काठमाडौँ । नेपाल विद्युत् प्राधिकरणको सञ्चालक समिति सदस्य पदमा इन्जिनियर रोहित पौडेल नियुक्त भएका छन् । प्राधिकरण सञ्चालक समितिका अध्यक्ष समेत रहेका ऊर्जा, जलस्रोत तथा सिँचाइ मन्त्री दीपक खड्काले आइतबार उनलाई सदस्य नियुक्त गरेका हुन् । 

पौडेललाई उद्योग, वाणिज्य तथा वित्त क्षेत्रबाट सदस्यामा नियुक्त पौडेलले काठमाडौँ विश्वविद्यालयबाट वित्त तथा परियोजना विषयमा स्नातकोत्तरसम्म अध्ययन गरेका छन् । 

खोटाङ स्थायी घर भएका पौडेल प्रसेडेन्सियल ग्रयाजुएट स्कुलको परियोजना व्यवस्थापन विषयको प्राध्यापन समेत गर्दै आएका छन् । पौडेलसँग झण्डै ८ वर्षदेखि निर्माण र जलविद्युत् क्षेत्रमा काम गर्दै आएको अनुभव समेत छ ।