ऊर्जा खबर
काठमाडौं । नेपाल हाइड्रो पावर एसोसिएसन (एनएचए) को २१औं वार्षिक साधारणसभा आज (असार ८ गते) हुन लागेको छ । यस साधारणसभाले संस्थाको नयाँ पदाधिकारी चयन गर्ने जनाइएको छ ।
दुई दशकभन्दा बढी समयदेखि जलविद्युत विकासका क्षेत्रमा अध्ययन, परामर्श, निर्माण, लगानी जस्ता विषयमा प्रत्यक्ष जोडिएर काम गर्दै आएको एनएचएले यो क्षेत्रको गुणात्मक विकासमा सरकारलाई सल्लाह सुझावसमेत दिँदै आएको छ । आज हुने साधारणसभामा महासचिव अरुण रजौरियाअध्यक्षका दाबेदार रहेको संस्थाले जानकारी दिएको छ ।
एनएचएले गत वर्ष अन्तर्राष्ट्रिय जलविद्युत सम्मेलन गरी नेपालको जलविद्युत विकासमा विकसित देशहरूको ध्यानाकर्षण गराउँदै लगानीका लागि अपिलसमेत गरेको थियो । यो संस्था कुनै राजनीतिक पृष्ठभूमिको नभई विशुद्ध व्यावसायिक संस्था रहेकाले राज्यको ऊर्जा विकासमा यो सारथीको रूपमा अगाडि बढिरहेको महासचिव रजौरियाले बताए ।
