ऊर्जा राज्य मन्त्री पूर्णबहादुर तामाङ बर्खास्तीमा

काठमाडौँ । ऊर्जा, जलस्रोत तथा सिँचाइ मन्त्री पूर्णबहादुर तामाङ (कान्छाराम) पदबाट बर्खास्त भएका छन् । प्रधानमन्त्री केपी शर्मा ओलीले राज्य मन्त्री तामाङलाई बुधबार बर्खास्त गरेका हुन् । सरकारको काममा असहयोग गरेको आरोपमा उनलाई प्रधानमन्त्री ओलीले बर्खास्त गरेको बुझाएको छ ।

नेपाली कांग्रेसबाट राज्य मन्त्री बनेका तामाङ निर्माण व्यवसायीसमेत हुन् । उनको कम्पनी कान्छाराम कन्स्ट्रक्सनले निर्माणको काम गर्दै आएको छ ।  उनको पार्टी नेपाली कांग्रेसले नै उनलाई प्रधानमन्त्री मार्फत राजीनामा दिन दबाब दिँदै आएको भए पनि नदिएपछि बर्खास्त गरिएको बुझिएको छ । 

पछिल्लो समय मन्त्रिपरिषद्का निर्णय तथा ऊर्जा, जलस्रोत तथा सिँचाइ मन्त्रीका कामकाे समेत आलोचना गर्दै आएका थिए । त्यस्तै, ऊर्जा सचिव सुरेश आचार्यसँग पनि उनले कानुनविपरीत स्पष्टीकरण मागेका थिए ।