ऊर्जा खबर
काठमाडौं । संखुवासभामा ४.५ मेगावाटको हेवा खोला जलविद्युत आयोजना निर्माण गरी सञ्चालनमा ल्याएको बरुण हाइड्रो पावर कम्पनी लिमिटेडको नाफा घटेको छ । कम्पनीले सार्वजनिक गरेको आर्थिक वर्ष २०७९/८० को वित्तीय विवरण अनुसार कम्पनीको नाफा घटेको देखिएको हो ।
कम्पनीले पहिलो त्रैमासमा ८८ लाख ८२ हजार १ सय ६ रुपैयाँ नाफा कमाएको छ । कम्पनीको नाफा गत वर्षको तुलनामा नाफा घटेको हो । गत वर्ष ९९ लाख ६४ हजार ६ सय ६० रुपैयाँ नाफा कमाएको थियो ।
कम्पनीको नाफा घटेपनि विद्युत बिक्रीबाट हुने आम्दानी भने बढेको विवरणमा उल्लेख छ । कम्पनीले यो अवधिमा विद्युत बिक्रीबाट ३८ करोड ३५ लाख ७ हजार ४ सय ४३ रुपैयाँ आम्दानी गरेको छ । गत वर्ष यही समयवधिमा ३२ करोड ४४ लाख ९ हजार ३ सय ८ रुपैयाँ आम्दानी गरेको थियो ।
४.५ मेगावाटको हेवा खोला जलविद्युत आयोजनाले २०६८ साउन २१ गतेदेखि नियमित विद्युत उत्पादन गरिरहेको कम्पनीले जनाएको छ ।
