ऊर्जा खबर
काठमाडौं । श्वेत गंगाा हाइड्रो पावर एन्ड कन्ट्रक्सन लिमिटेड करिब ४६ लाख रुपैयाँ घाटामा छ । कम्पनीले सार्वजनिक गरेको आर्थिक वर्ष २०७९/८० को वित्तिय विवरण अनुसार कम्पनी घाटामा देखिएको हो ।
तीन महिनाको अवधिमा ४६ लाख ४१ हजार ४ सय ५२ रुपैयाँ घाटामा रहेको कम्पनीले सार्वजानिक गरेको वित्तीय विवरणमा उल्लेख छ । कम्पनीको घाटा गत वर्षको तुलनामा घटेको छ । गत वर्ष ५३ लाख ८८ हजार २ सय ६८ रुपैयाँ घाटामा थियो ।
कम्पनीले रामेछाप र सोलुखुम्बुको सीमामा २८.१ मेगावाटको तल्लो लिखु जलविद्युत आयोजना निर्माण पूरा भएकाे छ । याे आयोजनाबाट गत कात्तिक १९ गतेदेखि व्यवसायीक उत्पादन भएकाे हाे ।
कुल ६ अर्ब ३७ करोड २० लाख रुपैयाँ लागतका आधारमा आयोजनाको प्रतिमेगावाटमा लागत २२ करोड ६७ लाख ६१ हजार ५ सय रुपैयाँ अनुमान गरिएको छ ।
