ऊर्जा खबर
.jpg)
काठमाडौं । नबिल इन्भेष्टमेन्ट बैंकिङ लिमिटेडले सेयर बजारमा प्रवेश गर्न चाहने लगानीकर्तालाई लक्षित हुनेगरी मिश्रित लगानी व्यवस्थापन सेवा सञ्चालनमा ल्याएको छ । बैंकले भाद्र महिनादेखि लागु हुने गरी सेवा सञ्चालनमा ल्याएको हो ।
लगानीका विभिन्न उपकरण मार्फत व्यवस्थापन सेवाबाट लगानीकर्ताले हाल बजारमा देखिएको उतारचढावका कारण व्यहोर्नुपरेको क्षतिलाई केही हदसम्म सन्तुलनमा ल्याउने र भविष्यमा पनि सन्तुलित लगानीबाट राम्रो प्रतिफल आर्जन गर्न सक्ने बैंकले जनाएको छ ।
बैंकका अनुसार व्यवस्थापन सेवामा प्रवेश गर्न चाहने लगानीकर्ताहरूका लागि विभिन्न उपकरण म्युचअल फण्ड, बण्ड,डिबेञ्चर, ईक्विटी, आईपिओ/एफपिओ/हकप्रद सेयर तथा निश्चित प्रतिफल उपकरणहरूमा लगानी गर्ने र भैपरी आउने लगानीका लागि नगदको समेत व्यवस्थापन गरिनेछ ।
व्यवस्थापन सेवामा प्रवेश गर्न चाहने लगानीकर्ताले न्यूनतम २५ लाख रुपैयाँ वा आफुसंग रहेको सोही मुल्य बराबरको सेयर उपलब्ध गराई प्रवेश गर्न सकिनेछ । न्यूनतम लगानी अवधि ५ वर्षको रहेको यो सेवा प्राप्त गरेवापत वार्षिक ०.५ प्रतिशत व्यवस्थापन शुल्क लाग्नेछ ।
२ वर्षभित्र यो व्यवस्थापन सेवाबाट बाहिरिनु परेमा आफ्नो लगानीको ३ प्रतिशत रकम तिरी जुनसुकै बेला पनि बाहिरिन सक्नेछ भने २ बर्ष पछि बाहिरिनु परेमा कुनै प्रकारको शुल्क तिर्नु पर्ने छैन ।
डिस्क्रेसनरी पिएमएस सेवा अन्र्गत सञ्चालित सेवा प्राप्त गरेका लगानीकर्ताले यो सेवाबाट जति धेरै नाफा गरे पनि केवल ५ प्रतिशत पर्फमेन्स शुल्क तिरी आफ्नो नाफाको सतप्रतिशत रकम जुनसुकै बेला झिक्न सक्ने जनाएको छ ।
