ऊर्जा खबर
काठमाडौं । नाडा अटोमोबाइल्स एशोसिएसन अफ नेपालका अध्यक्ष ध्रुव कुमार थापाले विद्युतीय सवारीहरूमा लाग्ने पाट्स र ब्याट्री नेपालमा नै उत्पादन गर्न सकिने बताएका छन् । काठमाडौंको भृकुटी मण्डपमा आज (बिहीबार) देखि सुरु भएको ‘नाडा इभी अटो सो’ को उद्घाटन कार्यक्रममा उनले यस्तो बताएका हुन् ।
विद्युतीय सवारीमा लाग्ने सम्पूर्ण उपकरण , ब्याट्रीहरू नेपालमै उत्पादन गर्न सकिने भएकोल त्यसका लागि १ प्रतिशत मात्र भन्सार कर लगाउनुपर्छ’ उनले भने ।
एक्स्पाेमा ४ पाङ्ग्रे सवारी ८ वटा, दुई र तीन पाङ्ग्रे १६ ब्राण्डका विद्युतीय सवारी प्रदर्शनीमा छन् । प्रर्दशनी आगामी आइतबार (असोज ९ गते) सम्म चल्नेछ ।
आइतबारसम्म चल्ने उक्त एक्स्पोमा करिब ४० हजार ग्राहकले अवलोकन गर्ने आयोजकले जनाएको छ । नेपालमै पहिलो पटक आयोजना भएको एक्स्पोले विद्युतीय सवारीको खपत बढाउन र सोही अनुसारको दिर्घकालिन ऐन कानूनहरू निर्माण गर्न महत्वपूर्ण भुमिका खेल्ने थापाले बताए ।
